【#美食】講女食記 || 當「娘娘」遇上打邊爐 - 尖沙咀香香宮煮
--------------------------------
雖然有限古令,禁止播放宮廷劇,但閨蜜sss早宮廷迷入骨,就算冇新劇睇,都要一過娘娘引,早前知道尖沙咀「香香宮煮」,延續宮廷熱 Crossover 香港人最愛打邊爐,當然要同閨蜜「娘娘」去試下。
上到去「香香宮煮」門口已經心心眼,門口一大個木制招牌,加上大大張金色龍椅,當然要Selfie打卡。
![](https://1.bp.blogspot.com/-9A6r-cf6MoE/XYHJ8XPmYpI/AAAAAAAA-vE/b404Ysuu5rYqJVtoJBH-Y7HzC8cOEPuwACNcBGAsYHQ/s320/WhatsApp%2BImage%2B2019-09-11%2Bat%2B7.47.29%2BPM.jpeg)
--------------------------------
「香香宮煮」入面好空間感好大,就算多客都唔焗促。用上了好多黃色、紅色為主色,感覺已經好有宮廷 Feel,
而且好特別地有各個小包廂,用上各個宮殿名:「延禧宮」、「儲秀宮」、「長春宮」等等...
![](https://1.bp.blogspot.com/-yVQaX2dffHA/XYHJ9X3pAaI/AAAAAAAA-vI/qd2XK-4gOFk3TYCyNap_GLnp2UheLOFwwCNcBGAsYHQ/s320/WhatsApp%2BImage%2B2019-09-11%2Bat%2B7.47.31%2BPM%25281%2529.jpeg)
一個個耳熟能詳的宮殿名稱,相信宮廷迷一定識背幾個。
![](https://1.bp.blogspot.com/-BVe8MqACQ4U/XYHOwqiWH7I/AAAAAAAA-wA/Cux6BDsCuNMkTsk9D2_ELTDTcfWl10L3gCNcBGAsYHQ/s320/WhatsApp%2BImage%2B2019-09-18%2Bat%2B2.10.26%2BPM.jpeg)
--------------------------------
欣賞完環境,講返野食先,一坐低就已經為各位「娘娘」送上九宮格調味盤+ 四小碟前菜,未食之前已經排場十足。而菜單就捲成「聖旨」等娘娘們宣讀。
![](https://1.bp.blogspot.com/-ISYx6XaullU/XYHJ8ea3OnI/AAAAAAAA-vA/vXNipSa_zDgZtm9hAiFn1eUe7ussNbb0QCNcBGAsYHQ/s320/WhatsApp%2BImage%2B2019-09-11%2Bat%2B7.40.56%2BPM.jpeg)
![](https://1.bp.blogspot.com/-CBVTiJ5Q80M/XYHP3WzccJI/AAAAAAAA-wo/ioQb7TlPsZ4upyzv5xbKVnlu9R-GsT8CQCNcBGAsYHQ/s320/WhatsApp%2BImage%2B2019-09-18%2Bat%2B2.33.12%2BPM.jpeg)
--------------------------------
打邊爐最重要是湯底,「香香宮煮」湯底款式都有數十款,全部用上公主名稱,我地就點 雍穆公主 - 花膠雞湯鍋(半隻) - $298
上湯時,雞湯入面加入了乾冰,帶來更佳視覺效果。大大嚿花膠和半熟雞件另上,
![](https://1.bp.blogspot.com/-9M77Kdq0kz4/XYHOxOtuASI/AAAAAAAA-wI/k1IMGub0VDwpS_gahHN39Xn4ZnNcWmmFQCNcBGAsYHQ/s320/WhatsApp%2BImage%2B2019-09-18%2Bat%2B2.10.27%2BPM.jpeg)
侍應之後將湯料放進湯頭。未加任何配料前,建議先飲碗雞湯。金黃色雞湯雞湯不油膩,入口甘甜。
![](https://1.bp.blogspot.com/-VkDfEtXEhEA/XYHOvZhYyxI/AAAAAAAA-v0/sGc3WyLrfLYWAxBI2lVdRR7UZKVlN3vlgCNcBGAsYHQ/s320/WhatsApp%2BImage%2B2019-09-18%2Bat%2B2.10.26%2BPM%25284%2529.jpeg)
雞件係半熟雞,需要放入雞湯再煮熟,肉質依然嫩滑。
--------------------------------
邊爐配料好多種,丸類、餃子類、菜蔬、菇類都有拼盤,我哋都點了好多嘢食,點介紹幾樣:
香香宮煮響鈴拼盤 - $78
即炸響鈴,其中三件加左鹹蛋黃醬,鹹香味重,上枱即食 ,惹味十足。
![](https://1.bp.blogspot.com/-oxJcBmXCHLY/XYHOxmYQWuI/AAAAAAAA-wM/MMpMlmw-e_wzm_3CFI4s6aLuyey-k5p8wCNcBGAsYHQ/s320/WhatsApp%2BImage%2B2019-09-18%2Bat%2B2.13.13%2BPM.jpeg)
--------------------------------
酒香陳年花雕浸牛肉 - $118
花雕係芽菜底,食之前需要路一路牛肉同花雕撈一撈,灼一灼就得,花雕酒香加上牛肉嫩滑。
![](https://1.bp.blogspot.com/-UqNl4JQhyJU/XYHOwXUt-tI/AAAAAAAA-v8/g1BSVJvuv2MPJGs5zQXCf3sK-_C2s-TAQCNcBGAsYHQ/s320/WhatsApp%2BImage%2B2019-09-18%2Bat%2B2.10.26%2BPM%25285%2529.jpeg)
香香宮煮肉丸拼盤 - $128
一盤有10粒,包括手打莧菜豬肉丸、手打鮮牛丸、手打鵝肝墨魚丸、手打蝦子鮮蝦丸、手打蝦子墨魚丸,最愛墨魚丸和牛丸,墨魚丸有拗口食得出一粒粒墨魚,牛丸牛味重,十分彈牙。
![](https://1.bp.blogspot.com/-gCA_GwaMuH8/XYHOw66TDDI/AAAAAAAA-wE/5Yc3OzSyDfsdWhgOaqU-pgiicYKf6DGEACNcBGAsYHQ/s320/WhatsApp%2BImage%2B2019-09-18%2Bat%2B2.10.27%2BPM%25281%2529.jpeg)
厚切午餐肉 - $58
打邊爐必食,午餐肉用心整作,一支支擺得好靚,有炸過先上枱,可以就咁食,放湯都唔會散。
![](https://1.bp.blogspot.com/-YIv7NKZx5t0/XYHOvRS3sJI/AAAAAAAA-vw/ppB23-2mX74cHt2k_0SGjkyGyZWY0k2wACNcBGAsYHQ/s320/WhatsApp%2BImage%2B2019-09-18%2Bat%2B2.10.26%2BPM%25282%2529.jpeg)
香香宮煮雜菜拼盤 - $68
食完咁多肉,要食返d菜菜,一個菜拼盤份量十足,綜合多款菜,用花膠雞湯煮,一流。
![](https://1.bp.blogspot.com/-5G4w4KI18dU/XYHOx5RHmpI/AAAAAAAA-wQ/LrklvCLNQTkZj9XwpkV8gsXAOqjgteEZwCNcBGAsYHQ/s320/WhatsApp%2BImage%2B2019-09-18%2Bat%2B2.13.56%2BPM.jpeg)
--------------------------------
P.S 閨蜜「娘娘」要飲酒,開飯前點了2個小食送酒,麻辣牛展拼酸辣鳳爪,酸辣開胃,麻辣香口,送酒不錯。
![](https://1.bp.blogspot.com/-VMk6bN5a90o/XYHJ9wpN3bI/AAAAAAAA-vQ/OPqtIolXEuM4s2-WoeMw6DjFGaEd1dQYgCNcBGAsYHQ/s320/WhatsApp%2BImage%2B2019-09-11%2Bat%2B8.12.09%2BPM.jpeg)
--------------------------------
總括而言,除了食物有質素外,服務及裝修都好特別,古式古香宮廷迷值得一試。
![](https://1.bp.blogspot.com/-US7Pobv2AlE/XYHJ8RQ6D2I/AAAAAAAA-u8/kxbPrt9VWyksSOStKOOxWlhrqWxaXrsFQCNcBGAsYHQ/s320/WhatsApp%2BImage%2B2019-09-11%2Bat%2B7.47.28%2BPM.jpeg)
![](https://1.bp.blogspot.com/-MAk5zBwm6T0/XYHOvexROXI/AAAAAAAA-v4/VHcLCvbI9A8zafu0li1jBo53iOHEz86fgCNcBGAsYHQ/s320/WhatsApp%2BImage%2B2019-09-18%2Bat%2B2.10.25%2BPM.jpeg)
--------------------------------
- 香香宮煮 Tasty Hotpot Place -
尖沙咀加拿芬道16號金輝大廈1樓
--------------------------------
▿▾▿▾▿▾▿▾▿▾▿▾▿▾▿▾▿▾▿▾▿
| 講女C生活 | by ms.C
「講」女就是這樣的!
♧ 80′s 後 X 100%土生土長水瓶港女;隨心講,隨心寫
♤ <享受自家生活態度> 講玩、講食、講扮靚
♧ 用文字、短片記錄,分享一切「講」女生活事
♤ 歡迎╔ 品牌合作 | 產品試用 | 活動出席 ╗
--
email: mscammy.w@gmail.com
--
YOᑌTᑌᗷE νℓσg
--
⌞ms.C⌟ 其他網誌
| blogspot || ulifestyle || beauty exchange |
| qooza beauty || she.com || theztyle || girlab |
| weshare || pixnet || style-tips || beautylife |
fσℓℓσω мє
▿▾▿▾▿▾▿▾▿▾▿▾▿▾▿▾▿▾▿▾▿
文章標籤
全站熱搜