[#療程] C+美の療程 || 微泡泡身心「零。瑕肌」之旅 - Dermagram【微泡喚肌面部護理】體驗－香港吃貨女生

[#療程] C+美の療程 || 微泡泡身心「零。瑕肌」之旅 - Dermagram 【微泡喚肌面部護理】體驗

生活於香港的環境下，就算平日潔膚程序有幾整潔，每日做足卸妝、清潔等等，都可能唔足夠，奈何香港空氣污染，每日有不少浮游的污染物痴住肌膚。係日積月累下，肌膚或多或少裡裡內內累積著不少的污糟物，黑頭、暗粒、粉刺陸續出現，除左令到肌膚暗啞之外，原來呢層阻隔，仲會阻擋肌膚吸收護膚品的功效，就算用多多護膚品都吸收唔到。

********************************

所以要加強肌膚對護膚品吸收，要為肌膚除去面層「假」面具，間唔中都要為肌膚進行深層清潔。最近去了Dermagram 體驗 - 【微泡喚肌面部護理】，Dermagram 品牌理念Balance Skin - Balance Life，平衡健康肌膚之餘，同時平衡健康生活。ms.C 第一次去Dermagram享受療程，上到去美研館已經覺得身心放鬆，同中環繁忙街頭有所不同，可以為肌膚Relax之外，同時為自己身心得以平靜下來。

********************************

由於ms.C 第一次去Dermagram享受療程，開始療程之前，先填個人資料了解我既身體狀況，之後再分析肌膚狀態，最後當然細心講解【微泡喚肌面部護理】的過程喇！

值得一提，係療程介紹之中，原來一陣間整個【微泡喚肌面部護理】之中，都會用上Dermagram產品，為肌膚提供倍加修護肌膚。

********************************

做完Consultant之後，就準備開始我既泡泡療程。換好鞋 & 放好我既隨行包包係Locker

Locker既鎖匙好得意，用上可愛既熊仔

準備好，就Ready享受今次既療程喇。

********************************

好大間房喔，好有空間感 ~~~ 有私人的淋浴間 & 梳妝位置，如果做完 Body 既可以係房沖埋身。

Dermagram 品牌理念Balance Skin - Balance Life，顧客除了可以面上享受之外，身心都可以放鬆。

療程期間，仲會不停播住好 Relax既歌（寶寶好想訓）

Step1: 平衡靜心療法

一開始時，邊聽住歌，邊享受Dermagram獨創的「平衡靜心療法」，先由嗅覺開始，在美容師的指導下作深層呼吸，聞住薰衣草精油先令心靈放鬆，吸入香薰有助減壓及提升後續護理的功效。

之後係腰部放上暖包，呢個暖包好正，放係腰位，成個人即刻暖晒，肌肉放鬆，好想訓。

美容師仲會幫我拍打雙腳，令到身體同樣感覺放鬆。

********************************

Step 2: 卸妝及潔淨

先用Dermagram 產品卸妝 & 潔淨面部，由於之前顧問期間，知道ms.C 係蠶豆症寶寶，所以就冇用洗面掃洗面，好細心喔！

********************************

Step3: 微泡淨肌深層清潔去角質

卸完妝，潔淨完面部乾乾淨淨之後，就準備到戲肉喇。就係開始用儀器，利用高頻磁波震盪分子對撞原理，將水分子轉換成微細的高氧水分子，係無痛雙向引流之下，就可以深入毛囊之中，吸走所有於毛孔內的污垢及表面過厚的角質層。係清潔過程中，性質溫和，敏感肌女士都唔怕。

微泡淨肌特別可以專攻日常難以清潔既「鬼鼠」位，例如鼻翼、人中等，係不擴大毛孔的情況下，令肌膚即時透亮、改善黯淡及泛黃肌膚。

做完一半面之後，見到面上油光不再，摸上手感覺都冇左層痴笠笠的感覺。

想知道自己塊面有幾污糟？一睇呢枝水就知道塊面有幾污糟，經過引流之下將面上的污垢吸入水中，原本清清澈的蒸餾水，變成米黃色，入面仲有好多飄浮物，呢d就係面上皮屑、酒米、黑頭等等。

********************************

Step4: EGF面部按摩

去完角質之後，面上感覺污垢盡去，摸上手之後較滑。正所謂打鐵趁熱，清潔乾淨晒之後，面部的吸收能力最強，即時注入Epidermal Growth Factor (EGF)及透明質酸等到迅速滲透肌底，肌膚回復水潤感覺有彈性。用上呢支EGF按摩，感覺似麵糊咁，可能ms.C肌底好乾，好快就吸收晒。

********************************

Step5: 水潤修護面膜及活膚保濕面膜

最後敷上Double修護面膜，先用掃掃上皇牌產品水潤修護面膜Ultra Calming Mask均勻塗上一層於面部

再敷上活膚保濕面膜，提供Double保濕力，Double修護肌膚，即時倍感強效滋潤，再Hea住訓陣就完成了。

********************************

Step6: 面及眼部護理

最後除左面膜，最後用埋Dermagram防曬 & 眼霜就完成晒整個護理喇！

********************************

完成晒成個療程之後，去悠閒既休室間Hea 一陣。

飲返杯花茶，換返衫就完成我呢個心靈泡泡之旅。

********************************

【買一送二】【彩蛋放送】新客戶優惠

新客戶只需網上登記：http://www.dermagramswiss.com.hk/bubble-purifying-MC-03-01-p3.html

均可以驚喜價$168 體驗（原價：$680）70分鐘【微泡喚肌面部護理】，再即時加送$300絲滑透氣礦物粉 SPF 15。除了可以享受以上70分鐘的貼心面部護理之外，完成療程後，再加送Dermagram的絲滑透氣礦物粉 SPF 15（價值$300），個礦物粉同係街買到既貨裝Size一樣，Dermagram絲滑透氣礦物粉，質感幼細，帶來輕、薄質感，唔會阻塞毛孔，更有15度的防曬效果，簡單用上CC Cream，輕輕拍上礦物粉，就可打造零瑕透白肌，減輕肌膚負擔。